Gutgut's Blog

尋日安助晌七月十四呢日  講開有關死o既問題

 

1. 如果你知道今晚就會死，
- 你覺得有咩野係你依一生最"遺憾/後悔"？
  a)家人還未信主
  b)信仰生命中浪費了好幾年的光陰
  c)還未到過利物浦 (我所喜愛的球隊)
- 你覺得有咩野係你依一生最"無憾/光榮"？
  a)沒有離棄信仰
  b)將神的道教導別人
  c)有一班要好的弟兄姊妹

2. 如果你知道原來唔係今晚死，係1年後先死，你有咩野想做？
  a)爭取與別人(特別是家人)分享信仰的機會，所以我會放下工作，在其他層面接觸人群
  b)與一些較少機會見面的朋友相聚
  c)到利物浦去....
  d)結婚(因為我覺得對方也會這樣想)
  e)安排死後的錢/書送給有需要的人
 
3. 最後如果1年後，你發現原來係醫生攪錯左，你唔洗死，你覺得你既人生之後有咩改變？
   渴望做的事就要盡快去做，不要延遲。我應該會完夢去讀神學

P.S. 今日聽到傳道人失去一位朋友的消息， 死真的離你不遠...

不嬲好少睇報紙(一張一張紙睇嗰隻)，不過近日要睇差唔多一年咁多嘅報紙，當然唔係遂版睇，只係睇重要新聞，不過已經睇到眼花。今次睇新聞嘅地方有啲特別─圖書館，我平時都好少去圖書館，近五年都冇一次咁濟。報紙都唔係平日揭揭吓嗰啲，而係一卷卷嘅菲林，用一部特別嘅機器嚟睇。第一次用嘅時候係幾特別，不過尋日睇左個半鐘頭已經眼花花好辛苦，但只係叫做睇左半年咋。之後去食飯，食完飯歎咗一個99%純朱古力+青檸嘅Gelato，真係正到爆！

因為馬仔就嚟結婚關係，尋晚佢約左幾個舊同學派帖，我當然有份。原本去鼎泰豐嘅，不過要等齊人先入得─麻煩到爆。最後我哋唔想再等，決定去隔嚟間酒樓食飯，五條友一個餐加多碟餸已經好夠喇，自己就飲左兩支穿腸物。席間有好多攪笑對白，幾乎令人噴酒噴飯，真係幾開心！

時下標榜高清及正版，但我要俾d 掌聲低清及老翻。尋日開畫o既低清老翻王有我喜愛o既Jack Black ─ 肥仔一名 (自阿sir黎自樂人谷便喜歡他)，故事裡電影中有電影，透過粗製濫造的Ghost Bluster, Robocop, Rush Hour2 叫人尋找什麼是電影的樂趣, 最後他們希望拍一套自己的電影來保護他們所珍惜的地方。呢套戲笑位多到爆, 悶悶地睇下佢, 都不失為一個選擇。

Trailer: http://www.youtube.com/watch?v=J7C8nHAAs70

正所謂人生不如意事十常八九，利物浦晌九十五分鐘補時階段竟然擺烏龍，被車仔逼和1比1，真係估都估唔到，不過我有信心次回合可以贏到車仔。
尋晚又有不如意事發生，話說上完堂食完飯搭小巴回家，落車後要行一段斜路回去，與此同時我與Janice傾緊電話。忽然間，後頭有一把男人聲在後方不遠處爆粗，我當時在聽電話不以為然。再過一會，他再爆粗，這次我感到他正在罵我，因為他講：「@^~#@ 仲扮講電話 @^~#@*@」。明顯地講我啦！於是，我便急腳了回到樓下進入大堂，還好他沒有跟著來。這個世界愈來愈多人精神有問題，唔知尋日那位人兄係咪都係呢一類。最記得他當中還罵我肥......，心諗咁夜咁黑，佢咁都睇得出我肥，好明顯我都要減下肥！